ਗੜ੍ਹਦੀਵਾਲਾ, 25 ਜੂਨ (ਮਹਿੰਦਰ ਮਲਹੋਤਰਾ)- ਨੇਤਰਦਾਨ ਸ੍ਰਿਸ਼ਟੀ ਦਾ ਸਰਵਸ਼੍ਰੇਸ਼ਟ ਦਾਨ,
ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਅੱਜ ਸਾਬਕਾ ਸਿਵਲ ਸਰਜਨ ਡਾਕਟਰ ਕੌਸ਼ਲ ਸਿੰਘ ਸੈਣੀ ਨੇ ਆਈ ਡੋਨਰ ਇਨਚਾਰਜ ਸਟੇਟ ਅਵਾਰਡੀ ਭਾਈ ਬਰਿੰਦਰ ਸਿੰਘ ਮਸੀਤੀ ਨਾਲ ਕੀਤੀ ਗਈ ਵਿਸ਼ੇਸ਼ ਮੁਲਾਕਾਤ ਦੌਰਾਨ ਕੀਤਾ। ਇਸ ਮੌਕੇ ਉਹਨਾਂ ਲੋਕਾਂ ਨੂੰ ਨੇਤਰਦਾਨ ਕਰਨ ਪ੍ਰਤੀ ਪ੍ਰੇਰਿਤ ਕਰਦਿਆਂ ਆਖਿਆ ਕਿ ਹਰੇਕ ਇਨਸਾਨ ਨੂੰ ਮਰਨ ਉਪਰੰਤ ਅੱਖਾਂ👀 ਦਾਨ ਜਰੂਰ ਕਰਨੀਆਂ ਚਾਹੀਦੀਆਂ ਹਨ ਜੋ ਕਿ ਮੌਜੂਦਾ ਸਮੇਂ ਦੀ ਲੋੜ ਵੀ ਹਨ। ਉਹਨਾਂ ਆਖਿਆ ਕਿ ਅੱਖਾਂ👀 ਪਰਮਾਤਮਾ ਵੱਲੋਂ ਇਨਸਾਨ ਨੂੰ ਦਿੱਤਾ ਹੋਇਆ ਵੀ ਇੱਕ ਅਨਮੋਲ ਖਜ਼ਾਨਾ ਹੈ ਜਿਸ ਨੂੰ ਅਗਨ ਭੇਟ ਕਰਕੇ ਜਾਇਆ ਕੀਤਾ ਜਾ ਰਿਹਾ ਹੈ। ਉਹਨਾਂ ਦੱਸਿਆ ਕਿ ਇਹਨਾਂ ਦੋ ਅੱਖਾਂ👀 ਨਾਲ ਕਿਸੇ ਦੋ ਨੇਤਰਹੀਣ ਵਿਅਕਤੀਆਂ ਨੂੰ ਦੇਖਣ ਦੇ ਲਾਇਕ ਬਣਾਇਆ ਜਾ ਸਕਦਾ ਹੈ। ਉਹਨਾਂ ਅੱਗੇ ਲੋਕਾਂ ਨੂੰ ਅੱਖਾਂ ਦਾਨ ਕਰਨ ਦੀ ਪ੍ਰਕਿਰਿਆ ਬਾਰੇ ਦੱਸਦਿਆਂ ਆਖਿਆ ਕਿ ਤੁਸੀਂ ਲੋਕਾਂ ਨੂੰ 'ਅੱਖਾਂ ਦਾਨ' ਬਾਰੇ ਗੱਲ ਕਰਦੇ ਸੁਣਿਆ ਹੋਵੇਗਾ ਪਰ ਪੂਰੀਆਂ ਅੱਖਾਂ ਕਦੇ ਨਹੀਂ ਟਰਾਂਸਪਲਾਂਟ ਕੀਤੀਆਂ ਜਾਂਦੀਆਂ ਹਨ। ਅੱਖਾਂ ਦੇ ਦਾਨ ਵਿੱਚ ਤੁਹਾਡੀ ਕੋਰਨੀਆ ਹੀ ਸ਼ਾਮਲ ਹੈ, ਨਾ ਕਿ ਤੁਹਾਡੀ ਪੂਰੀ ਅੱਖ।ਕੋਰਨੀਆ ਟਰਾਂਸਪਲਾਂਟੇਸ਼ਨ ਰਾਹੀਂ ਇੱਕ ਦਾਨੀ ਤੋਂ ਇੱਕ ਸਿਹਤਮੰਦ ਕੌਰਨੀਆ ਦੀ ਵਰਤੋਂ ਖਰਾਬ ਕੋਰਨੀਆ ਨੂੰ ਬਦਲਣ ਲਈ ਕੀਤੀ ਜਾਂਦੀ ਹੈ। ਇਸ ਸਮੇਂ ਉਹਨਾਂ ਨੇ ਦੱਸਿਆ ਕਿ ਐੱਚਆਈਵੀ (ਏਡਜ਼)ਸਰਗਰਮ ਵਾਇਰਲ ਹੈਪੇਟਾਈਟਸ ,ਦਿਮਾਗ ਦੀ ਸੋਜਸ਼,ਅੱਖਾਂ ਦਾ ਕੈਂਸਰ,ਸੈਪਟੀਸੀਮੀਆ, ਕੈਂਸਰ ਨਾਲ ਮਾਰਨ ਵਾਲੇ ਵਿਅਕਤੀ ਦੀਆਂ ਅੱਖਾਂ ਦਾਨ ਨਹੀਂ ਕੀਤੀਆਂ ਜਾ ਸਕਦੀਆਂ। ਇਸ ਮੌਕੇ ਤੇ ਭਾਈ ਮਸੀਤੀ ਨੇ ਜਾਣਕਾਰੀ ਦਿੰਦੇਆ ਦੱਸਿਆ ਕਿ ਨੇਤਰਦਾਨੀ ਦੀ ਮੌਤ ਤੋਂ ਬਾਅਦ ਅੱਖਾਂ ਨੂੰ ਸੁੱਕਣ ਤੋਂ ਰੋਕਣ ਲਈ ਪੱਖਾ/ਏਅਰ ਕੰਡੀਸ਼ਨਰ ਤੁਰੰਤ ਬੰਦ ਕਰ ਦਿਓ,ਦਾਨੀ ਦੀਆਂ ਪਲਕਾਂ ਨੂੰ ਬੰਦ ਰੱਖੋ ਅਤੇ ਅੱਖਾਂ 'ਤੇ ਤੌਲੀਆ ਰੱਖੋ।ਦਾਨੀ ਦੇ ਸਿਰ ਦੇ ਹੇਠਾਂ ਸਿਰਹਾਣਾ ਰੱਖੋ ਤਾਂ ਜੋ ਉਨ੍ਹਾਂ ਦੇ ਸਿਰ ਨੂੰ ਥੋੜ੍ਹਾ ਉੱਚਾ ਕੀਤਾ ਜਾ ਸਕੇ। ਤੁਰੰਤ ਨੇਤਰਦਾਨ ਸੰਸਥਾ ਜਾਂ ਆਈ ਬੈਂਕ ਨੂੰ ਸੂਚਿਤ ਕਰੋ ਕਿਉਂਕਿ ਮ੍ਰਿਤਕ ਵਿਅਕਤੀ ਦੀਆਂ ਅੱਖਾਂ ਮਰਨ ਉਪਰੰਤ ਚਾਰ ਤੋਂ ਛੇ ਘੰਟਿਆਂ ਅੰਦਰ ਹੀ ਲਈਆਂ ਜਾ ਸਕਦੀਆਂ ਹਨ।